சந்த்ர சேகரேந்திர சரஸ்வதி திருப்பாதம்

✨✨✨✨✨✨✨

வரிகள்:நெல்லை அருள்மணி

பாடியவர்: சீர்காழி S.கோவிந்தராஜன்

✨✨✨✨✨✨✨✨

சந்த்ர சேகரேந்திர சரஸ்வதி திருப்பாதம்

சந்ததம் பணிந்தார்க்கு சர்வமும் க்ஷேமமே

இந்திராதி தேவர் வந்து எழிற்கவரி வீசிநிற்க

நந்தியம்பெருமானும் நல்லாசி தந்தருள

வந்திடும் கைலாசம் வரன் தரும் அரன்விலாசமே.

✨

காமாட்சித் தாய்மடியில் சீராட்சி புரிந்துவரும்

காமகோடி தரிசனம் காணக்காண புண்ணியம் (காமாட்சி)

✨

தவக்கோலம் தனக்காக தர்மங்கள் நமக்காக

அவதாரத் திருச்செல்வர் அபிராமி அருட்செல்வர் (காமாட்சி)

✨

பாரிஜாத நறுமணம் பரவும்சீர் பாதமே

சதுர்வேத கீதமே சங்கரனைப் பாடுமே

ஹரஹர சங்கர ஜயஜய சங்கர (காமாட்சி)

✨

கோபுரத் திருவுள்ளம் கொடிமரக் கனிவுள்ளம்

திருக்காஞ்சி முனிவுள்ளம் தீபத்தின் ஒளிவெள்ளம்

மவுன நிலையாலே புவனம் முழுதாளும்

சிவனார் திருக்கோலம் சங்கரி புகழ்க்கோலம்

வணங்கிடும் கரமுண்டு வாழ்த்திடும் மனமுண்டு

மணம்தரும் பணிவுண்டு மாரிபோல் அருளுண்டு (காமாட்சி)

✨✨✨✨✨✨✨✨✨