புன்னை வனத்துக் குயிலே நீ
✨✨✨✨✨✨✨✨
படம்:முத்துக்காளை
ஆண்டு:1995
இசை:இளையராஜா
வரிகள்:வாலி
பாடியவர்கள்:S.P.B & S.ஜானகி
✨✨✨✨✨✨✨✨
புன்னை வனத்து குயிலே நீ
என்னை நினைத்து இசை பாடு
முல்லை வனத்துக் குளிரே நீ
என்னை அணைத்து உறவாடு
✨
வேங்குழலின் ஓசை எழ
பாய் விரிக்கும் ஆசை எழ
மார்மீதும் தோள்மீதும் சாய்ந்திருக்க
பாலாரும் தேனாரும் பாய்ந்திருக்க
✨
புன்னை வனத்து குயிலே நீ
என்னை நினைத்து இசை பாடு
✨
மைப்பூசும் கண்ணொடும் பேசும் நேரம் இன்று
அதை பொய் பேச வைக்காதே இங்கு நாணம் என்று
அம்மாடி ஆகாதா வேகம் நெஞ்சில் கொண்டு
என்னை அள்ளாதே ஆவாரம் பூவும் நானும் ஒன்று
✨
கண் வைத்த பின்னாலே கை வைக்கக் கூடாதா
கை வைத்தால் அங்கங்கே மின்சாரம் ஓடாதா
என்னென்ன ஆனால் என்ன ஆவல் கொண்ட போது
என்றாலும் எல்லைக்குள்ளே நின்றால் தானே மாது
மார்மீதும் தோள்மீதும் சாய்ந்திருக்க
ஒ..பாலாரும் தேனாரும் பாய்ந்திருக்க
✨
புன்னை வனத்து குயிலே நீ
என்னை நினைத்து இசை பாடு
முல்லை வனத்து குளிரே நீ
என்னை அணைத்து உறவாடு
✨
என் மீது தூரல்கள் போட மேகம் வர
அட அப்போது ராசாவே உந்தன் மோகம் வர
முப்பாலுக்கப்பாலும் போகும் எண்ணங்களே
ஒரு முத்தாரம் வைத்தாலும் போதும் கன்னத்திலே
✨
நீ ஒன்று வைத்தாலே நான் ஒன்று வைப்பேனே
நெஞ்சத்தை நெஞ்சோடு நான் வைத்து தைப்பேனே
மிச்சத்தை மீதம் தன்னை மாலை இட்டு பார்ப்போம்
இன்பத்தை நானும் நீயும் அள்ளி அள்ளி சேர்ப்போம்
மார்மீதும் தோள்மீதும் சாய்ந்திருக்க
ஒபாலாரும் தேனாரும் பாய்ந்திருக்க
✨
முல்லை வனத்து குளிரே
நீ என்னை அணைத்து உறவாடு
வேங்குழலின் ஓசை எழ
பாய் விரிக்கும் ஆசை எழ
மார்மீதும் தோள்மீதும் சாய்ந்திருக்க
பாலாரும் தேனாரும் பாய்ந்திருக்க
✨
புன்னை வனத்துக் குயிலே நீ
என்னை நினைத்து இசை பாடு
முல்லை வனத்துக் குளிரே நீ
என்னை அணைத்து உறவாடு
✨✨✨✨✨✨✨✨✨
கருத்துகள்
கருத்துரையிடுக