சுட்டும் விழிச் சுடர் தான் கண்ணம்மா சூரிய சந்திரரோ
✨✨✨✨✨✨✨✨✨
படம்:கண்டுகொண்டேன் கண்டுகொண்டேன்
வரிகள்: மகாகவி பாரதியார்
பாடியவர்: ஹரிஹரன்
இசை: ஏ. ஆர். ரகுமான்
✨✨✨✨✨✨✨✨✨
சுட்டும் விழிச் சுடர் தான் கண்ணம்மா சூரிய சந்திரரோ
வட்டக் கரிய விழி கண்ணம்மா வானக்கருமை கொலோ
பட்டுக் கருநீலப் புடவை பதித்த நல்வயிரம்
நட்ட நடுநிசியில் தெரியும் நட்சத்திரங்களடீ
✨
சோலை மலரொளியோ நினது சுந்தரப் புன்னகை தான்
நீலக் கடலலையே நினது நெஞ்சின் அலைகளடீ
கோலக் குயிலோசை உனது குரலின் இனிமையடீ
வாலைக் குமரியடீ கண்ணம்மா மருவக்காதல் கொண்டேன்
✨
சாத்திரம் பேசுகிறாய் கண்ணம்மா சாத்திரம் ஏதுக்கடீ
ஆத்திரம் கொண்டவர்க்கே கண்ணம்மா சாத்திரமுண்டோடீ
மூத்தவர் சம்மதியில் வதுவை முறைகள் பின்பு செய்வோம்
காத்திருப்பேனோடீ இது பார் கன்னத்து முத்தமொன்று
✨✨✨✨✨✨✨✨✨
கருத்துகள்
கருத்துரையிடுக